"ПСЖ" президенти Носир Ал-Хелайфий клуб ходимларига мактуб йўллади.
Ўтган мавсумда Париж клуби ички Лига 1, Франция кубоги ва Франция Суперкубогини қўлга киритиб, ички треблга эришди.
“Клубимизнинг майдонда ҳам, унинг ташқарисидаги муваффақияти билан ҳам фахрланишимиз мумкин. Айниқса, барча жамоаларимиз клуб академияларининг ажойиб иқтидорлари билан тўлдирилган.
Шунингдек, бизни бу мавсумда яна бирлаштирган жамоавий иш ва бирдамлик қадриятлари билан фахрланишимиз мумкин.
Клубда ажойиб муҳит мавжуд. Муваффақиятларимиз ягона мақсад йўлида бирлашган жамоамиз туфайлидир. Бу мени ғурурга тўлдиради ва умид қиламанки, барча бир жамоа ва бир оила бўлиб ишлашда давом этади", - деди Хелайфий.
