«ПСЖ» ҳужумчиси Рандаль Коло-Муани Франция терма жамоасида ўз клубидагига қараганда камроқ босим ҳис қилишини тан олди.
Эслатиб ўтамиз, форвард ўтган ёзда Франкфуртнинг “Айнтрахт” клубидан 95 миллион евро эвазига Парижга кўчиб ўтганди.
Дебют мавсумида Рандаль Франция чемпионатида 6 та гол урди ва 5 та голли узатмани амалга оширди.
“Бу мен учун жуда оғир мавсум бўлди. Мен қийинчиликларга дуч келдим, атрофимдаги ҳамма нарса янги эди.
Бироқ, мен таслим бўлмайман ва курашни давом эттираман. Одамлар мендан кўпроқ нарсани кутишди, айниқса трансфер нархим 95 миллион евро бўлса. Мен Франция терма жамоасида камроқ босим ҳис қиляпман”, деди Коло-Муани матбуот анжуманида.
