"Галатасарой" ҳужумкор ярим ҳимоячиси Николо Дзаньоло фаолиятини Испания Ла Лигасида давом эттириши мумкин.
Машҳур журналист Жанлука ди Марционинг ёзишича, “Вильярреал” 24 ёшли футболчининг трансфери учун барча шартларни амалда келишиб олган.
Ўтган мавсумда италиялик ярим ҳимоячи "Астон Вилла"да ижара асосида ўйнади. Жамоа таркибида у барча турнирларда 39 та ўйинда қатнашиб, учта гол урган.
Дзаньолонинг "Галатасарой" билан шартномаси 2027 йилгача мўлжалланган. Transfermarkt интернет портали экспертлари футболчининг нархини 20 миллион еврога баҳоламоқда.
