2 апрель куни «Ўзбекистон» спорт мажмуасида футзал бўйича анъанавий «Наврўз Кубоги» ярим финал учрашувлари ўтказилади. Фақатгина ҳаваскор жамоалар иштирок этган бу йилги мусобақа ярим финалида ЎзСҚБ – «EastRoad», шунингдек, «Восток» – «Ўзтелеком» жамоалари ўзаро кураш олиб боришади. Эътиборли томони, ушбу жамоаларнинг барчаси пойтахт шарафини ҳимоя қилади.

Мусобақа ярим финалида ЎзСҚБ ўйинчилари «Фарғона» жамоасини йирик – 7:2 ҳисобида мағлуб этишди, «Ўзтелеком» эса «ҚСБ-Юнусобод» жамоасидан кучлироқ чиқди – 8:6. «Восток» қийинчилик билан «Самарқанд»ни мағлуб этган бўлса (7:6), «EastRoad» жамоаси «PRODG»ни ортда қолдирди – 5:3.

Қайд этиш жоиз, «Наврўз Кубоги» ярим финал ўйинлари якунига етиши билан, 2 апрель, сешанба куни «Ўзбекистон» спорт мажмуасида Ўзбекистон Кубоги ярим финал ўйинлари ҳам ўтказилади. Финал йўлланмаси учун курашда «Ардус» жамоаси «Бунёдкор»га қарши, «Максам-Чирчиқ» эса «Локомотив»га қарши майдонга чиқади.

Ўйинлар тақвими
«Наврўз Кубоги», ярим финал учрашувлари
2 апрель, сешанба
12:00. «ЎзСҚБ» – «EastRoad»
14:00. «Восток» - «Ўзтелеком»

Ўзбекистон Кубоги, ярим финал учрашувлари
2 апрель, сешанба
16:00. «Ардус» – «Бунёдкор»
18:00. «Максам-Чирчиқ» – «Локомотив»