Туркиянинг «Галатасарой» клуби ҳужумчиси Дидьо Дрогба жамоаси бош мураббийи Фотиҳ Теримни Жозе Моуриньо билан солиштириб кўрди. Шунингдек у «Реал»га қарши бўлажак баҳс борасида ҳам гапириб ўтди.

«Менда Моуриньо билан боғлиқ жуда кўп хотиралар қолган. У ҳар доим барчанинг диққат марказида бўларди. У ҳар бир футболчини бутун бошли имкониятидан максимал даражада фойдаланишга ҳаракат қилади. Шу томондан Фотиҳ Терим Моуриньога ўхшаб кетади».

«Реал»га қарши учрашув мен учун алоҳида аҳамият касб этади. Мен бу жамоага қарши чемпионлар лигасидаги дастлабки учрашувимда майдонга тушганман. Ўшанда «Марсель» сафида гол ҳам киритгандим, бироқ биз 2:4 ҳисобида имкониятни бой берганмиз. Бу 2003/2004 йилнинг гуруҳ босқич учрашувларида қайд этилганди. Мен бу кунни умуман унутмайман. Сабаби ўша кун фаолиятимдаги энг муҳим воқеа сифатида ёдимда қолган», дея Дрогбанинг сўзларидан иқтибос келтирмоқда «Goal.com» интернет нашри.