Мадриднинг “Атлетико” клуби ҳужумчиси Антуан Гризманн ёзда клубини ўзгартириши мумкин. Goal порталининг Marca нашрига таяниб хабар беришича, 33 ёшли Гризманнга Англия Премьер-лигаси ва МЛС клублари қизиқиш билдирмоқда.
Қайд этилишича, Гризманни 15 миллион еврога сотиб олиш мумкин - бу вариант француз футболчисининг амалдаги шартномасида кўрсатилган. Шу билан бирга, Антуан аввалроқ "Атлетико"да ўйнашни давом эттириш нияти ҳақида гапирган эди.
2023/2024 йилги мавсумда Гризманн 48 та ўйин ўтказиб,24 та гол ва 8 та голли узатмани амалга оширган.
