Англия терма жамоаси бош мураббийи Гарет Саутгейт жамоа ҳимоячиси Жон Стоунснинг ҳолати ҳақидаги саволга жавоб берди.
Эслатиб ўтамиз, Англия ва Исландия терма жамоалари ўртасидаги сўнгги ўртоқлик учрашувида (0:1) Стоунс кичик жароҳат олиб, танаффус вақтида майдонни тарк этганди.
"Менимча, у билан ҳаммаси яхши. Аммо биз уни Евродан олдин таваккал қилмаймиз", - дея Саутгейт сўзларини келтиради Evening Standart.
16 июнь куни Англия терма жамоаси 2024 йилги Европа чемпионатидаги илк ўйинини Сербияга қарши ўтказади. Учрашувнинг бошланиши Тошкент вақти билан 00:00га белгиланган.
