Нуфузли инсайдер Фабрицио Романо россиялик дарвозабон Матвей Сафоновнинг ҳолатига баҳо берди. Олдинроқ футболчининг "Краснодар"дан "ПСЖ"га ўтиши барбод бўлиши мумкинлиги хабар қилинганди. Сабаби, дарвозабоннинг алиментдан қарзи бор.
"ПСЖ"нинг позицияси ўзгармади. Клуб яқин орада Матвей Сафонов уларнинг янги дарвозабони бўлишига ишонмоқда", - деб ёзади Романо ижтимоий тармоқларда.
Матвей Сафонов 25 ёшда. Transfermarkt портали мутахассислари россиялик дарвозабонни 20 миллион еврога баҳоламоқда. 2023/2024 йилги мавсумда Сафонов 30 та ўйин ўтказиб, 27 та гол ўтказиб юборган.
