Тангуй Ндомбеле "Тоттенхэм"ни бепул тарк этади.
Лондон клуби 27 ёшли франциялик ярим ҳимоячи билан шартномани бекор қилади, деб ёзмоқда Evening Standard. Амалдаги шартнома яна бир йилга амал қиларди.
"Тоттенхэм" Ндомбелени 2019 йилда "Лион"дан рекорд даражадаги 55 миллион фунт стерлингга сотиб олганди. Футболчи “шпорлар” сафида атиги 91 та ўйин ўтказган.
Сўнгги икки мавсумда у "Наполи" ва "Галатасарой"да ижара асосида ўйнади ва шу клубларда чемпион бўлди. Шунингдек, 2021/22 йилги мавсумда олти ойга ижара асосида “Лион”га қайтди.
2023/24 йилги мавсумда Тангуй "Галатасарой" сафида барча мусобақаларда 26 та ўйин ўтказди ва 1 та голли узатмани амалга оширди.
