Ла Лига раҳбари Винисиус Жуниорга нисбатан ирқчилик иши бўйича чиқарилган ҳукм ҳақида гапирди.

Бугун суд “Валенсия”нинг уч мухлисини 2023 йил май ойида “Месталья”да бўлиб ўтган ўйинда “Реал” қанот ярим ҳимоячисига нисбатан ирқчи хатти-ҳаракатларда айбдор деб топди.

Улар саккиз ойлик қамоқ жазосига ҳукм қилинди ва икки йилга ўйинларга ташриф буюришдан маҳрум қилинди. Испанияда футбол ўйини чоғида ирқчилик бўйича биринчи марта суд ҳукми чиқарилди.

"Бу ҳукм Испанияда ирқчиликка қарши кураш учун ажойиб янгилик. У Винисиусга етказилган зарарни қоплайди ва стадионга ҳақорат қилиш учун келган одамларга аниқ хабар юборади. Ла Лига уларни топади, хабар беради ва улар учун жиноий оқибатлар бўлади", - деди Тебас.