"Манчестер Сити" бош мураббийи Хосеп Гвардиола Испания чемпионатида учинчи ўринни эгаллаган ва тарихда биринчи марта Чемпионлар лигасига йўлланмани қўлга киритган "Жирона"нинг ўйинига қойил қолди.
“Мен Чемпионлар лигасининг ярим финалида “Жирона” билан учрашишни истардим. Улар мавсумни ажойиб ўтказишди ва кучли томонларини кўрсатишди. Менимча, улар нима қилганини тушунишмайди. Улар учинчи ўринни эгаллаб, иккинчи ўрин учун кураш олиб боришди. Уларнинг ўйинларини томоша қилиш жуда ёқимли эди. Ишончим комилки, улар Ла Лигада барқарор ўйнашади", - деди Гвардиола.
