Туриннинг "Ювентус" клубининг польшалик дарвозабони Войцех Шесни фаолиятини Саудия Aрабистонида давом эттиради.
The Athletic хабарига кўра, футболчи "Aн-Наср" билан икки йилга мўлжалланган шартнома борасида келишиб олган ва унинг маоши йилига 19 миллион еврони ташкил қилади.
Клублар дарвозабоннинг трансфери борасида ҳам принципиал келишувга эришган. Келишув шу ҳафта якунланиши кутилмоқда.
У 2017 йилнинг ёзидан буён Туриннинг "Ювентус" клубида ўйнаб келмоқда. Ўшандан бери дарвозабон 252 та расмий ўйинда қатнашиб, 233 та гол ўтказиб юборган. Transfermarkt портали польшалик дарвозабонни олти миллион еврога баҳоламоқда.
