Польша терма жамоасининг икки ҳужумчиси Туркия билан ўртоқлик учрашувида жароҳат олди.

12-дақиқада Роберт Левандовскининг узатмасидан унумли фойдаланган Карол Свидерски ҳисобни очди. "Верона" футболчиси голни нишонлаётган вақтда сакрашдан кейин ёмон тушди ва тўпиғини жароҳатлади. Тиббий ёрдам кўрсатилгач, у майдонга қайтди, бироқ 19-дақиқада алмаштирилди.

32-дақиқада Левандовски ҳам жароҳати туфайли алмаштирилди. У майдонга ўтирди ва ўйин унинг учун тугаганини кўрсатди.

Польша Евродаги ўйинини 16 июнь куни Нидерландияга қарши ўйин билан бошлайди.