Европа чемпионлар лигасининг 1/4 финал дастлабки учрашувлари доирасида «ПСЖ» ўз уйида «Барселона»ни қабул қилиб сўнгги дақиқаларда мағлубиятдан қутулиб қолди.

Учрашувнинг 38-дақиқасида Дани Алвешнинг марказдан жуда чиройли пасидан кейин Месси тўпни тўхтатмасдан туриб Сиригу дарвозасига йўллаб ҳисобни очди. Бироқ орадан 5 дақиқа ўтиб Месси жароҳат олди ва иккинчи бўлимда майдонга тушмади.

Мессисиз қолган «Барселона» эса 80-дақиқага келиб ўз дарвозаси тўридан тўп олиб чиқди. 80-дақиқада Златан Ибраҳимович ўртадаги фарқни йўққа чиқарганди.

90-дақиқада Алексис Санчесга нисбатан ишлатилган қўполликдан кейин белгиланган пенальтини Хави аниқ амалга ошириб жамоасини ҳисобда олдинга олиб чиққанди. Бироқ ҳакам томонидан қўшиб берилган дақиқаларда Блез Матюиди ҳисобни тенглаштиришга муваффақ бўлди.

Чемпионлар лигаси
1/4 финал
Дастлабки учрашув

ПСЖ (Франция) – БАРСЕЛОНА (Испания) 2:2 (0:1).
Гол: Ибраҳимович (80), Матюиди (90+3) – Месси (38), Хави (90-пен).
ПСЖ: Сиригу, Жайе, Алекс, Силва, Максвелл, Бекхэм (Верратти, 70), Матюиди, Лукас Моура, Пасторе (Гамейро, 76), Ибраҳимович, Лавесси (Менез, 66).
Барселона: Вальдес, Дани Алвеш, Пике, Маскерано, Альба, Бускетс, Хави, Иньеста, Санчес, Месси (Фабрегас, 46), Вилья.
Огоҳлантиришлар: Пике (18), Альба (62), Матюиди (65), Бекхэм (68), Маскерано (75), Дани Алвеш (85), Ибраҳимович (87), Сиригу (89).