Мюнхеннинг «Бавария» клуби Италия А Серияси ҳужумчисига кўз тикди. Журналист Флориан Плеттенберг берган маълумотларга кўра, Европа лигаси финалида «Байер»га қарши ўйинда хет-трик қайд этган «Аталанта» вингери Адемола Лукманнинг трансфери "қизил машина" томонидан муҳокама қилинмоқда.
Қайд этилишича, нигериялик ёзда топ-клубга ўтмоқчи. Унинг трансфер нархи 25-30 миллион еврога баҳоланмоқда. Адемола аввал Германияда «РБ Лейпциг»да ўйнаган.
Ўтган мавсумда 26 ёшли Лукман Италия А Сериясида 31 ўйинда майдонга тушиб, 11 гол ва 7 голга ассистентлик қилган.
