"Панатинаикос" Диего Алонсонинг бош мураббий этиб тайинланганини эълон қилди.
49 ёшли уругвайлик мураббий Афина клуби билан 2 йиллик шартнома имзолади.
Алонсонинг охирги иш жойи "Севилья" бўлиб, у ўтган йилнинг декабрь ойида, тайинланганидан 2 ой ўтиб ишдан бўшатилганди.
Мураббий, шунингдек, Уругвай терма жамоаси, “Интер Майами” ва Мексиканинг "Монтеррей" клубларидаги фаолияти билан ҳам танилган.
Ўтган мавсумда “Панатинаикос” Греция кубогини қўлга киритди ва мамлакат чемпионатида 4-ўринни эгаллади.
