"Лейпциг" ҳужумчиси Бенжамин Шешко жамоаси билан шартномасини узайтириши ҳақида фикр билдирди.
Эслатиб ўтамиз, словениялик форвард 2029 йилгача мўлжалланган янги шартнома имзолади. 21 ёшли футболчининг хизматларига Лондоннинг "Арсенал", "Челси" ва "Манчестер Юнайтед" клублари қизиқиш билдиришган.
"Бизда катта салоҳиятга эга, ёш ва тажрибали футболчиларнинг мувозанатли аралашмаси бор. Бу жамоа билан кейинги қадамларни интиқлик билан кутаман. Биринчи мавсумдаёқ биз кўп ютуқларга эришдик ва майдонда қандай сифатли ва ажойиб футбол намойиш эта олишимизни тез-тез кўрсатиб келганмиз. Ҳали қилиниши керак бўлган ишлар кўп, энди бу бизнинг умумий мақсадимиз", - деди Шешко "Лейпциг" расмий сайтига.
