Роберто Мартинес Криштиану Роналдунинг Ирландияга қарши ўйиндаги иштироки ҳақида гапирди.
Кеча Португалия терма жамоаси ҳужумчиси Ирландия билан ўртоқлик учрашувида (3:0) иккита гол урди.
50-дақиқада у ярим ҳимоячи Рубен Невешнинг узатмасидан сўнг юқори бурчакка йўллаган зарбаси билан эсда қолди.
60-дақиқада эса ҳужумчи вингер Диого Жотанинг узатмасидан унумли фойдаланиб, ҳисобни 3:0 кўринишига келтирди.
“Криштианунинг сардор сифатидаги садоқати ақл бовар қилмайдиган даражада. Бугун биз иккита жаҳон миқёсидаги ижрони кўрдик, лекин менга унинг майдондаги иши ва узатмаларни амалга оширишга уринишлари ёқди.
Унинг голлари болаларга кўрсатишга арзийди, чунки улар ақл бовар қилмайдиган даражада", - деди Португалия терма жамоаси бош мураббийи.
