Тангуй Ндомбеле "Тоттенхэм"ни тарк этади.
Лондон клуби 27 ёшли ярим ҳимоячи билан шартнома томонларнинг ўзаро келишувига кўра бекор қилинганини маълум қилди.
"Тоттенхэм" Ндомбелени 2019 йилда "Лион"дан рекорд даражадаги 55 миллион фунт стерлингга сотиб олганди. Футболчи “шпорлар” сафида 91 та ўйин ўтказган.
Сўнгги икки мавсумда у "Наполи" ва "Галатасарой"да ижара асосида ўйнади ва шу клубларда чемпион бўлди. Шунингдек, 2021/22 йилги мавсумда олти ойга ижара асосида “Лион”га қайтди.
2023/24 йилги мавсумда ярим ҳимоячи турк клуби сафида барча мусобақаларда 26 та ўйин ўтказиб, 1 та голли узатмани амалга оширган.
