Tanguy Ndombele "Tottenxem"ni tark etadi.
London klubi 27 yoshli yarim himoyachi bilan shartnoma tomonlarning o‘zaro kelishuviga ko‘ra bekor qilinganini ma’lum qildi.
"Tottenxem" Ndombeleni 2019 yilda "Lion"dan rekord darajadagi 55 million funt sterlingga sotib olgandi. Futbolchi “shporlar” safida 91 ta o‘yin o‘tkazgan.
So‘nggi ikki mavsumda u "Napoli" va "Galatasaroy"da ijara asosida o‘ynadi va shu klublarda chempion bo‘ldi. Shuningdek, 2021/22 yilgi mavsumda olti oyga ijara asosida “Lion”ga qaytdi.
2023/24 yilgi mavsumda yarim himoyachi turk klubi safida barcha musobaqalarda 26 ta o‘yin o‘tkazib, 1 ta golli uzatmani amalga oshirgan.
