Янги мавсумда жамоада қолган "Манчестер Юнайтед" бош мураббийи Эрик тен Хаг жамоани кучайтириш устида иш бошлади.

Нидерландиялик мураббий таркибни кучайтириш учун яна бир футболчисини танлаган, дея хабар беради Todofichajes нашри.

Манбага кўра, мутахассис "Барселона" ярим ҳимоячиси Френки де Йонгни "Олд Траффорд"га олиб келмоқчи. "Кўк-анорранглилар" футболчини сотишга қарши эмас ва "қизил иблислар" таклифини тинглашга тайёр.

Де Йонг тўпиғидан олган жароҳати туфайли 2024 йилги Европа чемпионатида Нидерландия терма жамоасига ёрдам бермайди. Унинг "Барселона" билан шартномаси 2026 йилнинг ёзига қадар тузилган ва унинг бозор нархи 70 миллион еврога баҳоланган.