"Лилль" ҳимоячиси Лени Йоро "Реал"нинг трансфер мақсади бўлиб қолмоқда. Шу билан бирга, Мадрид клуби ўзига лимит белгилаб олди. Клуб 18 ёшли футболчи учун 40 миллион евродан ортиқ тўламоқчи эмас.

"Реал Мадрид"ни тушуниш мумкин, чунки Йоронинг амалдаги шартномаси 2025 йилнинг ўрталарига қадар амал қилади, яъни ҳимоячи келаси ёзда эркин агентга айланиши мумкин. "Лилл"да Йоро бўйича яхшироқ таклифлар бор, аммо ҳали қарор қабул қилинмаган.

Олдинроқ, ёш футболчининг ўзи ҳам "Реал"га ўтишни хоҳлаётгани ҳақида хабарлар тарқалган эди. Лени 2023/2024 йилги мавсумда ҳимоячи 44 та ўйин ўтказиб, 3 та гол урган.