Италия терма жамоаси бош мураббийи Лучано Спалетти "Скуадра Адзурра"нинг 2024 йилги Европа чемпионатидаги очилиш ўйини олдидан "Интер" ва миллий терма жамоанинг 27 ёшли ярим ҳимоячиси Николо Барелланинг саломатлиги ҳақидаги саволга жавоб берди.

"Барелла? Биз унинг фикрини тинглаймиз, у аллақачон шунга ўхшаш муаммога дуч келган ва бу ҳолда у учун амалга ошириши керак бўлган чора-тадбирлар мажмуи ишлаб чиқилган. Шифокорларнинг фикри муҳим, чунки футболчилар доимо ўйнашни хоҳлашади", - дея Спалетти сўзларини келтиради УEФА матбуот хизмати.

Амалдаги Европа чемпиони Италия терма жамоаси Евро-2024'да Хорватия, Испания ва Албания терма жамоалари билан бирга “B” гуруҳида иштирок этади.