"Лацио" мухлислари клуб президенти Клаудио Лотитонинг ҳаракатларидан норози. Ижтимоий тармоқларда бир кун аввал Лотитога қарши митингга 15 мингдан ортиқ "бургутлар" мухлислари келгани ҳақида маълумот пайдо бўлди.

Бу акция давомида Рим клуби мухлислари ҳатто шам ёқиб, Худодан Лотитони олишини сўрашган... Италияда мухлислар доимо қаттиққўллиги билан ажралиб туришган.

Айтиш жоизки, “Лацио” сўнгги Италия чемпионатини турнир жадвалида еттинчи ўринда якунлади. Келаси мавсумда римликлар мамлакат шарафини қитъанинг иккинчи рейтингли клуб турнири – Европа лигасида ҳимоя қилади.