Январь ойидаги трансфер ойнасида Мюнхеннинг "Бавария" клуби "Барселона"га марказий ҳимоячи Рональд Араухонинг трансфери бўйича иккита таклиф билан чиққани маълум бўлди.
Mundo Deportivo нашри хабарига кўра, "Бавария" аввалига дарҳол 70 миллион евро ва 20 миллион бонус таклиф қилган. "Барселона" рад жавобини берганидан кейин немислар 80+10 миллион таклиф қилишди, аммо "кўк-анорранглилар" барибир салбий жавоб беришди.
Араухо "Бавариянинг марказий ҳимоячи учун асосий трансфер мақсади эди, аммо "Барселона" уругвайлик футболчини сотишдан бош тортди. Энди мюнхенликлар бошқа номзодларга қизиқиш билдирмоқда. Асосий мақсад - "Байер Леверкузен" футболчиси Жонатан Та.
