"Лейпциг"нинг ҳужумкор ярим ҳимоячиси Дани Ольмо жорий трансфер ойнасида клубини ўзгартириши мумкин.
26 ёшли футболчи учун "Бавария", "Манчестер Сити" ва "ПСЖ" клублари даъвогарлик қилаётгани аввалроқ хабар қилинганди.
Mundo Deportivo нашри хабарига кўра, "Ливерпуль" Ольмога қизиқиш билдирмоқда ва футболчи учун курашга қўшилиши мумкин. Манбага кўра, "қизиллар" испаниялик ярим ҳимоячини сотиб олиш учун деярли 60 миллион евро ажратишга тайёр.
Охирги мавсумда Ольмо барча турнирларни ҳисобга олган ҳолда 25 та ўйинда қатнашиб, 8 марта рақиб дарвозасига аниқ зарба йўллади ва 5 та голли узатмани амалга оширди.
