Украина терма жамоаси ҳимоячиси Илья Забарний Евро-2024 доирасидаги Руминияга қарши ўйин олдидан ўз фикрларини билдириб ўтди.

Эслатиб ўтамиз, ушбу терма жамоалар ўртасидаги учрашув 17 июнь куни бўлиб ўтади.

"Бу ўйинда ғалаба қозонишимиз керак. Биз фақат ғалаба қозонишимиз керак! Унинг аҳамиятини ҳамма тушунади.

Биз ўзимизни ишончли ҳис қиляпмиз ва бор эътиборимизни ўз ўйинимизга қаратишимиз керак. Биз Руминияни ҳурмат қиламиз, улар жуда яхши жамоа ва улар бу ерда бўлишга тўлиқ лойиқ.

Уларда сифатли ўйинчилар бор, шунинг учун биз жуда яхши тайёргарлик кўришимиз керак", - деди футболчи матбуот анжуманида.