Жоржио Кьеллини Ромелу Лукакуга билдирилаётган танқидларга қўшилмайди.

Кеча Бельгия терма жамоаси Евро-2024 1-турида Словакия термасига имкониятни бой берди (0:1). Ушбу учрашувда ҳакамлар Лукакунинг иккита голини бекор қилишди.

“У ўзи кўп имкониятлар яратади. Бугун у иккита гол урди, аммо голлари инобатга олинмади.

Бельгияликлар ўрнида бўлганимда, Лукакуни муаммо эмас, балки ечим сифатида кўрган бўлардим. Улар маълум даражада қабул қилиб бўлмайдиган гол ўтказиб юборишди, бундай хатоликка йўл қўйиб бўлмайди. Қандай қилиб ўз жарима майдончангизга шундай узатма беришингиз мумкинлигини тушунмаяпман", - деди "Ювентус" ва Италия термасининг собиқ ҳимоячиси.