Мадриднинг “Реал” клуби чап қанот ҳимоячиси Ферлан Менди футболчига янги шартнома таклиф қилган “Қироллик клуби” раҳбариятига жавоб қайтарди. Эслатиб ўтамиз, франциялик футболчининг "Лос-Бланкос" билан амалдаги шартномаси келаси ёзда якунига етади.
Журналист Хосе Феликс Диаснинг хабар беришича, ҳимоячи таклиф қилинган шартнома шартларидан норози. Менди таклиф қилинган шартлар бўйича келишувни имзолаш ниятида эмас.
Олдинроқ Мадриднинг “Реал” клуби “Бавария”дан чап қанот ҳимоячиси Альфонсо Дэвисни сотиб олмоқчи экани ҳақида хабар берилганди. Агар шундай бўладиган бўлса, Ферлан ушбу трансфер ойнасида "Қироллик клуби"ни тарк этиши мумкин.
