Португалия терма жамоаси ҳужумчиси Криштиану Роналду кечаги Европа чемпионати-2024 гуруҳ босқичи 1-тури доирасидаги Чехияга қарши ўйинда иштирок этди. 39 ёшли футболчи бутун учрашувни майдонда ўтказди, аммо гол ура олмади.
Роналду терма жамоа сафида 11 та йирик халқаро турнирда иштирок этган. У бешта жаҳон чемпионати ва олтита еврода ўйнаган. Бу кўрсаткич бўйича у ҳужумчи Лионел Месси билан тенглашиб олди. 36 ёшли аргентиналик футболчи ҳам 11 та йирик терма жамоа турнирларида – бешта жаҳон чемпионати ва олтита Америка кубогида қатнашган.
Евро-2024 нинг илк учрашувида Португалия терма жамоаси Чехияни 2:1 ҳисобида мағлуб этди.
