Олимпиададаги сув мусобақалари хавфсизлигини исботлаш учун 23 июн куни Сенада сузиш тестини ўтказишга ваъда берган Париж мэри Анн Идальго буни фақат 14 июлдан кейин амалга оширади.

“Биз буни парламент сайловлари олдидан қилмасликка қарор қилдик. Биринчи босқич 30 июнь куни бўлиб ўтади, шунинг учун биз сузишни 14 июлдан бошланадиган ҳафтага ўтказамиз.

Шундай қилиб, сузиш тести уч кундан бирида бўлиши мумкин: 15, 16 ёки 17 июль", - дея тушунтирди Идальго.

У сузиш ҳар қандай ҳолатда ҳам Олимпия ўйинларининг очилиш маросимидан олдин бўлиб ўтишини ваъда қилди.