Испания терма жамоаси ва Бильбаонинг "Атлетик" клуби ҳужумчиси Нико Уильямсга Англия Премьер-лигасининг учта топ-клуби қизиқиш билдирмоқда. Журналист Николо Скира хабарига кўра, футболчининг шартномасида товон пули 58 миллион еврони ташкил қилади.

Олдинроқ Лондоннинг “Челси” клуби қизиқиш билдираётган клублар қаторида экани хабар қилинганди. Қолган икки жамоа номи ҳозирча номаълум. Уильямс хизматларига “Барселона” ҳам қизиқмоқда.

21 ёшли Нико Испания терма жамоаси Италияга қарши кечган Европа чемпионати гуруҳ босқичи 2-турида учрашувнинг энг яхши футболчиси деб топилди. Футболчи Ла Лига сўнгги мавсумини 5 гол ва 11 голли узатма билан якунлади.