Бразилиялик ҳужумчи Роберто Фирмино Саудиянинг "Ал-Аҳли" клубига энди керак эмас. Бу ҳақда журналист Руди Галетти ижтимоий тармоқлар орқали хабар берди.
Манба берган хабарга кўра, жамоа устози Матиас Яйссл клуб раҳбариятидан бразилияликдан қутулишни сўраган. Раҳбарият бош мураббийнинг илтимосини қабул қилиб, Фирмино учун янги клуб излай бошлади.
Саудия Арабистони чемпионатининг сўнгги мавсумида форвард 32 та ўйин ўтказиб, 9 та гол ва 6 та голли узатмани амалга оширган. Робертонинг "Ал-Аҳли" билан шартномаси 2026 йилгача мўлжалланган.
