Бельгия терма жамоасининг ҳужумкор ярим ҳимоячиси ва сардори Кевин Де Брюйне Евро-2024 гуруҳ босқичининг 2-турида Руминияга қарши ўйиндан (2:0) сўнг, 32 ёшли футболчи гол урганидан сўнг ўз ҳис-туйғулари билан ўртоқлашди.

"Биз бугун ғалаба қозонишимиз кераклигини билардик ва бунга эришдик. Энди менга дам олиш керак. Кейинги ўйинда нима қилиш кераклигини тушунамиз. Бизда кўплаб ёшлардан иборат янги жамоа бор. Мен қариб қолдим ва Белгия терма жамоасидаги фаолиятимнинг сўнгги йилларида футболчи ва етакчи ўзини қандай тутиши кераклигини кўрсатмоқчиман", - дея Де Брюйне сўзларини келтирмоқда Sport.es.

Де Брюйне Бельгия терма жамоасида 2010 йилдан буён ўйнаб келмоқда. Бу даврда у барча мусобақаларда 103 та учрашувда қатнашиб, 28 та гол ва 49 та голли узатмани амалга оширган.