Европа футбол ассоциациялари иттифоқи (УЕФА) венгрия терма жамоаси ҳужумчиси Барнабас Варганинг жароҳатига шифокорлар жамоаси суст муносабатда бўлгани ҳақидаги танқидларга жавоб қайтарди.
Варга Евро-2024 ўйинининг иккинчи ярмида Шотландия дарвозабони Ангус Ганн билан тўқнашув натижасида юз суяги синган ва мияси чайқалган. 26 ёшли футболчи ҳушини йўқотиб, майдонга ётиб, талвасали ҳаракатлар қилди. Биринчи тиббий ёрдам кўрсатилгандан сўнг Варга замбилда майдондан олиб кетилган ва шифохонага етказилган. Венгриялик форварднинг аҳволи барқарор ва операция қилинган.
Венгриялик ярим ҳимоячи Доминик Собослаининг ўзи Варга тезроқ ёрдам олиши учун замбилни ушлаб олди ва ўйиндан сўнг шифокорлар дарҳол майдонга югуриб чиқмаганидан норозилигини билдирди. Бироқ, УЕФА ҳамма нарса протоколга мувофиқ амалга оширилганини даъво қилмоқда.
