"Фейеноорд"нинг ўнг қанот ҳимоячиси Лютсхарел Гертрейдага Европанинг топ клублари қизиқиш билдирмоқда.

23 ёшли футболчига асосий даъвогар "ПСЖ" кўрилмоқда, у билан музокараларни бошлаб юборган. Бироқ, Footmercato хабарига кўра, парижликлар учун келишувни якунлаш осон бўлмайди - улар нидерландиялик футболчига қизиқиш билдираётган "Ливерпуль" ва "Тоттенхэм" рақобатига дош беришлари керак. Футболчининг ўзи Евро-2024 якунига қадар келажаги борасида ҳеч қандай қарор қабул қилмоқчи эмас.

Transfermarkt портали Лютсхарел Гертрейданинг нархини 32 миллион еврога баҳоламоқда. европа чемпионатида ҳимоячи Нидерландия терма жамоасининг бир ўйинида қатнашиб, Франция билан учрашув (0:0) якунида захирадан майдонга тушишга муваффақ бўлди.