Ўзбекистон Кубогидан ўрин олган «NBU-Осиё» - «Гулистон» баҳси тугагач, гулистонликлар бош мураббийи Бахтиёр Ашурматов якунига етган учрашув хусусида ўз фикрларини билдирди:

— «NBU-Осиё» - мамлакат биринчилигининг ўзига хос жамоаларидан саналади. Ёш мураббий Мухтор Қурбонов асосан ёшлардан иборат жуда аҳил жамоани шакллантира олган. Гувоҳи бўлганингиздек, биринчи бўлимда мезбонлар биз билан деярли тенг ўйнашди. Танаффус чоғида йигитларга олий лиганинг ортда қолган тўрт турида қайд этган натижалардан ҳаволаниб кетмаслик, бунга ҳали эрта эканлиги, шунингдек, юзага келган барча хавфли вазиятларни йўққа чиқармасликни таъкидлаб ўтгандим. Ҳар ҳолда шогирдларим катта иштиёқ ва кўпроқ меҳнат эвазига ғалабани қўлга киритишди.