Бугун Кёлн шаҳрида Англия ва Словения терма жамоалари ўртасидаги Европа чемпионати гуруҳ босқичи 3-тур учрашуви бўлиб ўтади. Учрашувни Клеман Тюрпен бошчилигидаги ҳакамлар бригадаси бошқариб боради.
Англия терма жамоаси ўз гуруҳида биринчи ўриндан турнирнинг 1/8 финалига қандай вазиятда чиқиши билан сизни таништирамиз.
Бугунги кунга келиб, инглизлар 4 очко билан "C" гуруҳида биринчи ўринда бормоқда. Бу ҳатто учинчи ўриндан ҳам 1/8 финалга чиқиш учун етарли бўлади. Агар Англия Словенияни мағлуб этса, гуруҳда биринчи ўринни кафолатлайди. Агар дуранг натижа қайд этилса, инглизлар иккинчи ўриндан пастга тушмайди.
