"Барселона" ҳужумчиси Марк Гиу тез орада "Челси"нинг янги футболчиси сифатида таништирилади.
Лондон клуби испанияликнинг шартномасидаги товон пули вариантини - 6 миллион еврони фаоллаштиришга қарор қилди. Инсайдер Фабрицио Романо хабарига кўра, 18 ёшли футболчи пайшанба куни Англия пойтахтида тиббий кўрикдан муваффақиятли ўтган. Ёш форвард "Челси" билан 2030 йилгача шартнома имзолади ва яқин орада трансфер расман эълон қилинади.
Марк Гиу "Барселона"нинг асосий таркибида еттита ўйин ўтказиб, иккита гол урди. Ёш футболчининг "кўк-анорранглилар" билан шартномаси 2025 йилнинг ўрталарига қадар тузилганди.
