Англия терма жамоаси сардори Харри Кейн Словакияга қарши Европа чемпионати 1/8 финал учрашуви олдидан ўз фикрларини билдириб ўтди.
"Сардор сифатида мен доим барча футболчилар билан гаплашаман. Биз Беллингем билан ўйинимизни қандай яхшилаш ҳақида доим гаплашамиз.
Қандай қилиб яхшироқ ўйнашимиз мумкинлигини тушуниш учун Данияга қарши ўйиндан лавҳаларни томоша қилдик.
Мен ҳали ҳам яхши ҳаракат қилаётганимизни ҳис қиляпман, аммо яхшиланишимиз мумкин бўлган жиҳатлар бор.
Жуд ўз ёшига кўра "Реал Мадрид"да ажойиб ўйнамоқда. Шундай экан, бу ҳақда ташвишланишга ҳожат йўқ. У ўзига 100 фоиз ишонадиган ажойиб йигит.
Биз чорак финалга чиқмоқчимиз ва ўз даражамизни оширишни бошламоқчимиз", - деди Кейн журналистларга.
