Чемпионлар лигаси чорак финалининг дастлабки икки учрашуви ўз ниҳоясига етди. «Реал» меҳмонда «Галатасарой»ни мусобақадан чиқазиб юборди.

Учрашувни меҳмонлар устунлик билан бошлашди. 7-дақиқадаёқ Криштиану Роналду жамоасини олдинга олиб чиқди. Биринчи бўлимда майдон эгаларининг ҳужумларига аниқлик етишмади. Шундай ҳисоб билан жамоалар танаффусга чиқиб кетишди.

Иккинчи бўлимда Фотиҳ Терим шогирдлари ўзгача куч ва иштиёқ билан майдонга қайтишди. Дастлаб Эммануел Эбуе ҳисобни тенглаштирди. Кўп вақт ўтмай Снейдер жамоасини ҳисобда олдинга олиб чиқди. Дидье Дрогба эса «Галатасарой» мухлисларининг қалбида умид учқунларини ёқиб, учинчи голни киритди.

Ўйин сўнгига келиб, майдон эгалари кучли босим уюштиришди, Арбелоа қизил карточка олиб майдонни тарк этди, лекин Роналду жамоасининг иккинчи голини киритди ва ўйин 3:2 ҳисобида ўз ниҳоясига етди.

Галатасарой (Туркия) – Реал (Мадрид) Испания 3:2 (0:1, 3:1)
Голлар: Эбуэ (58), Снейдер (70), Дрогба (72) — Роналду (7, 90).
Галатасарой: Муслера, Эбуэ (Элмандер, 80), Зан, Кайя, Риера, Мело, Хамит Олтинтўп (Амрабат, 46), Инан, Снейдер, Булут (Сарыоглу, 63), Дрогба.
Реал Мадрид: Диего Лопес, Эссьен (Арбелоа, 31), Пепе, Варан, Коэнтрау, Хедира, Модрич, Ди Мария, Озил (Альбиоль, 81), Роналду, Игуаин (Бензема, 73).
Огоҳлантиришлар: Снейдер (20), Эбуэ (45), Арбелоа (89), Амрабат (90).
Четлатиш: Арбелоа (90).
Биринчи учрашув – 0:3.