Каталониянинг "Барселона" клуби ушбу трансфер ойнасида қайси марказий ҳимоячини сотишни хоҳлашини ҳал қилди.
Mundo Deportivo нашри хабарига кўра, "кўк-анорранглилар" раҳбарияти Эрик Гарсия ва Иньиго Мартинесни танлашган. Манбага кўра, Гарсия ёшроқ бўлгани учун "Барселона" Мартинесдан қутулишга қарор қилган. Эрик ҳам кўп қиррали футболчи ва Иньигога қараганда камроқ маош олади.
Эслатиб ўтамиз, Гарсия ўтган мавсумни “Жирона” сафида ижара асосида ўтказган ва жамоага Испания чемпионатида учинчи ўринни эгаллашга ёрдам берганди. Эрик "оқ-қизиллар"нинг асосий ўйинчиларидан бири эди.
