Франция терма жамоаси ярим ҳимоячиси Адриен Рабио фаолиятини қаерда давом эттириши ҳақида бир қарорга келди.
29 ёшли футболчи ҳали “Ювентус” билан хайрлашмаган, бироқ унинг “бьянконерилар” билан шартномаси расман якунига етган. Ярим ҳимоячи эркин агент сифатида бошқа клублар билан музокара олиб бориши мумкин. Журналист Альфредо Педулланинг ёзишича, Рабьо "Ювентус"нинг яқинда бўлган таклифини рад этган: футболчига 8 миллион евро маош таклиф қилинган, бироқ уни агентга тўланадиган комиссия миқдори қониқтирмаган.
Манбанинг таъкидлашича, франциялик футболчига "Ливерпуль"дан таклиф бор, унинг ўзи эса "Реал Мадрид"дан таклиф кутмоқда ва у жамоадан кетган Тони Крооснинг ўрнини эгаллаши мумкин.
