"Жирона" клубининг украиналик ҳужумчиси Артем Довбик ёзги трансфер ойнасида клубини ўзгартириши мумкин.
26 ёшли футболчининг хизматларига Мадриднинг “Атлетико” клуби фаол қизиқиш билдирган.
El Gol Digital нашри маълумотларига кўра, Довбикнинг "матрасчилар" сафига ўтиши муваффақиятсиз тугади.
Бунга сабаб "Атлетико" "Жирона"га 40 миллион евро тўлашга тайёр эмаслиги, каталонияликлар эса футболчини арзонроқ сотиш ниятида эмаслиги бўлган.
Эслатиб ўтамиз, ўтган мавсумда Довбик 24 та гол уриб, Ла Лиганинг 2023/24 йилги мавсумининг энг яхши тўпурари бўлганди.
