"Челси" "Лестер Сити" марказий ярим ҳимоячиси Кирнан Дьюсбери-Холл билан шартнома имзолаганини эълон қилди.
25 ёшли футболчи Лондон клуби билан яна бир йилга узайтириш имконияти билан 5 йиллик шартнома имзолади.
Аввалроқ Дьюсбери-Холлнинг трансфер нархи 30 миллион фунт стерлинг бўлиши хабар қилинганди.
Ўтган мавсумда Дьюсбери-Холл Чемпионшипда 44 та ўйин ўтказиб, 12 та гол урди ва 14 та голли узатмани амалга оширди.
"Лестер" 2023/24 йилги мавсумда чемпионатда биринчи ўринни эгаллади ва Премьер-лигага йўлланма олди. Жамоани яқинда "Челси"нинг янги бош мураббийига айланган Энцо Мареска қабул қилиб олди.
