Исмоил Юксек ва Оркун Кекчю (суратда) Евро-2024 чорак финалида Нидерландия билан ўйинни ўтказиб юборадилар.
Винченцо Монтелла бошчилигидаги жамоа Европа чемпионати 1/8 финалида Австрия терма жамоасини мағлуб этди (2:1).
"Бенфика" ярим ҳимоячиси Оркун Кекчю ва "Фенербахче" ярим ҳимоячиси Исмоил Юксек бу ўйинда сариқ карточка олди. Ҳар икки футболчи учун бу турнирдаги иккинчи огоҳлантириш бўлди.
Шу тариқа, Кекчю ва Юксек сариқ карточкалари кўплиги сабабли Евро-2024 чорак финалида Нидерландия билан ўйинни ўтказиб юборишади. Ўйин 6 июль куни бўлиб ўтади.
