Испания футзал терма жамоаси бош мураббийи Феде Видаль 2024 йилги Жаҳон чемпионати учун якуний таркибни эълон қилди.
Ғолибликка асосий даъвогарлардан бири ҳисобланган ушбу жамоа мамлакатимиз мезбонлик қиладиган Жаҳон чемпионатининг “D” гуруҳида Қозоғистон, Янги Зеландия ва Ливияга қарши баҳс олиб боради.
Эслатиб ўтамиз, “Қизил фурия” ФИФА томонидан ўтказилаётган Жаҳон чемпионатларининг барчасида иштирок этган. Жамоа 1996 йилда кумуш медалларга эга чиққан бўлса, 2000 ва 2004 йилги мундиалда ғолиб бўлган. Шунингдек, Ўзбекистон футзал миллий терма жамоаси бош мураббийи Хосе Венансио Лопес қўл остида икки бор (2008, 2012) финалда мағлуб бўлган.
