Янги мавсум яқинлашиб қолди ва "Реал Мадрид" ўзининг расмий сайтида футболчилар рўйхатини янгилади. Todofichajes портали журналистлари ўйинчилар рўйхатида ҳимоячи Лукас Васкес ва ярим ҳимоячи Лука Модрич борлигига эътибор қаратишди.
"Реал Мадрид" ҳали 33 ёшли Васкес ва 38 ёшли Модрич билан янги шартнома имзолагани ҳақида хабар бермади. Шу билан бирга, манбаларнинг хабар беришича, бу икки футболчи 2024/2025 йилги мавсум учун меҳнат шартномасини тузган. "Реал Мадрид" сайтидаги маълумотларга кўра, Васкес ва Модрич қолмоқда.
Эслатиб ўтамиз, Лука Модрич 2012 йил август ойи охиридан буён “Реал”да тўп тепмоқда. Лукас Васкес ўз навбатида Мадрид гранди тарбияланувчиси ҳисобланади.
