"Аталанта" ҳужумчиси Адемола Лукман Саудия Арабистонига кўчиб ўтишга тайёр.
26 ёшли футболчи мавсумни бергамоликлар сафида муваффақиятли ўтказди ва унинг энг чўққига чиққан пайти "Байер"га қарши ўйинда (3:0) хет-трик қайд этган Европа лигаси финали бўлди. Инсайдер Руди Галеттининг хабар беришича, нигериялик футболчи "Ал-Иттиҳод" билан оғзаки келишувга эришган. Саудия клуби форвардга мавсумига тахминан 14 миллион евро маош таклиф қилган. Келишув тақдири “Аталанта”нинг якуний қарорига боғлиқ бўлади – Италия клуби ўз юлдузи учун 35 миллион евродан кўпроқ талаб қилмоқда.
Адемола Лукман сўнгги мавсумда 45 та ўйинда 17 та гол урди ва 10 та голли узатмани амалга оширди.
