"Галатасарой"нинг италиялик футболчиси Николо Дзаньоло "Аталанта"га ўтишини якунлаш учун ватанига етиб келди.
Журналист Жанлука Ди Марцио ўзининг ижтимоий тармоқларида хабар беришича, 25 ёшли футболчи Бергамо клубига ўтишдан олдин тиббий кўрикдан ўтиш учун Миланга етиб келди.
Аввалроқ, "Аталанта" Дзаньолони ижарага олгани ҳақида хабарлар тарқалган эди.
Ўтган мавсумда Дзаньоло "Астон Вилла"да ижара асосида ўйнаган ва клуб сафида 25та ўйинда майдонга тушиб, икки бор гол урган.
Футболчининг "Галатасарой" билан шартномаси 2027 йилнинг ёзига қадар амал қилади ва ярим ҳимоячининг трансфер нархи 20 миллион еврога баҳоланмоқда.
